U Note To Self Usenqobe Amahlandla Ayisithupha Elandelana Kumjaho we HollyWoodBets

I-Hollywoodbets Durban July iphinde yafakazela ukuthi isengomunye wemicimbi emikhulu eNingizimu Afrika ehlanganisa umjaho wamahhashi, imfashini kanye nezokungcebeleka, njengoba izinkulungwane zabantu zigcwale eGreyville Racecourse ukuzobungaza iminyaka engu-130 yalo mcimbi odume umhlaba wonke.

 Umswenko beuwungaphansi kwesiqubula  somswenko esithi Country Allure, ekhuthaze izihambeli ukuthi zigqoke ngendlela eveza ubuhle basemakhaya obuhlanganiswe nesitayela sesimanje sase-Afrika. Izivakashi bezigqoke izinhlobo ezahlukene zezingubo ebeziveza ubuciko  babathungi bemfashini, okwenze lo mcimbi waphinde waba yinkundla yokugqamisa ikhono labadwebi bezingubo baseNingizimu Afrika Kanye nezitshudeni.

Kusuku lomjaho , ihhashi u Note To Self, eliqeqeshwe ngu Justin Snaith lagitshelwa nguRichard Fourie, linqobe ngemuva komjaho obushubile kwaze kwaba sekugcineni. IWish List iqede endaweni yesibili kwathi iKing Pelles yaphuma endaweni yesithathu. Lokhu kube ukunqoba kwesithupha kuka Snaith emjahweni we Hollywoodbets Durban July, kanti uFourie usenqobe lo mjaho amahlandla amane.

“Ukusingathwa ngempumelelo kwe-Hollywoodbets Durban July yesi-130 kuphinde kwafakazela ukuthi iTheku linamandla okusingatha imicimbi esezingeni lomhlaba. Lo mcimbi awugcini ngokuletha umjaho wamahhashi osezingeni eliphezulu kuphela, kodwa uphinde uveze ubuhle bedolobha lethu, amasiko ethu kanye namakhono abaklami bethu bemfashini. Siyaziqhenya ngokwamukela izinkulungwane zabantu abazobungaza lo mcimbi futhi sibonga wonke umuntu obe neqhaza ekuqinisekiseni ukuthi ube yimpumelelo,” kusho uXaba.

Uthe uphinde wahalalisela abahleli bomcimbi, abaxhasi, abagibeli, abaqeqeshi bamahhashi, izinhlaka zezokuphepha kanye nabasebenzi bakamasipala ngokubambisana ukuqinisekisa ukuthi lo mcimbi uba yimpumelelo unyaka nonyaka.

I-Hollywoodbets Durban July iyaqhubeka nokuba ngumbukiso oveza ubungcweti emjahweni wamahhashi, imfashini nobuciko, okuyenza ihlale ingomunye wemicimbi elindelwe ngabomvu minyaka yonke eNingizimu Afrik