Kuzwakale inhlokomo eDurban Playhouse ngesikhathi umnqobi weGospel Icon Discovery (GID) 2023, uNelisizwe Sikhosana ecula izingoma ezikwi-albhamu yakhe yokuqala ye-EP.
USikhosana wethule icwecwe lakhe lokuqala elinesihloko esithi “Kuvela Kuwe” mhlaka-5 Disemba. I-EP inamathrekhi akhayo ngokomoya futhi izotholakala ezinkundleni zokuxhumana kusukela mhla ziyi-11 kuZibandlela.
USikhosana odabuka KwaMashu, echaza nge-albhamu yakhe yokuqala, uthe imayelana nokubona ubuhle nokwethembeka kukaNkulunkulu. “Le albhamu igqugquzelwe ukwethembeka kukaNkulunkulu empilweni yami kanye nohambo lwakhe lwe-GID kanye nomthelela obenawo empilweni yami. Uhambo belungelula, kodwa uthi ubonile amathuba okuthile aphumelele futhi azilungisele ukukhuphuka,” kusho uSikhosana.
Ubonge uMasipala ngokumnikeza inkundla yokwabelana ngethalente lakhe, wathi iGID isivule iminyango eminingi yokusungula umsebenzi wakhe womculo. Ekuqaleni kwalo nyaka, uSikhosana wajoyina iqembu lomculo wokholo iJoyous Celebration.
USotswebhu weKomidi Lezinsiza Zomphakathi uKhansela Cheryl Sisoka uthe iDolobha liyaziqhenya ngokuthi uSikhosana ungomunye wezihlabani zomculo uMasipala weTheku ozikhulisile waphinde wabeseka ukuthi bangene endimeni yomculo wokholo.
UKhansela uSisoka ugqugquzele umphakathi ukuthi weseke abaculi bakuleli abasafufusa.
Don’t miss what’s happening in your area. Subscribe for updates.
