ISELA iyaqhubeka nokuzibophezela ekukhiqizeni imikhiqizo yezempilo ehambelana nalolonke uhlobo lwemizimba yabantu.
Lokhu kubonakale ngesikhathi bethula imikhiqizo yabo emisha yamaphilisi angu-16 ahlukene, okuhloswe ngawo ukulekelela ekusizeni ngezidingo ezahlukene zezempilo. Le nkampani yethule la maphilisi emcimbini obuse-Gateway Hotel mhla zingama-25 kuMfumfu, lapho u-Olwethu Pudumo omngumqondisi wezokuthengisa Nezimakethe kwa Sela Product, wachaze kabanzi ngezinhlobo zamaphilisi abanawo.
Uthi lamaphilisi enziwe ngamakhambi esintu ase-Afrika, futhi inhloso enkulu yokuwakhipha wukuthi abantu bakuleli, ikakhulukazi eningizimu ye-Afrika, bakwazi ukuwasebenzisa kalula noma ngabe basemsebenzini noma emakhaya.
Amaphilisi angakwazi ukusetshenziswa abantu abaneminyaka engu-12 nangaphezulu, futhi kubalwa kuwo amaphilisi okubusheleleka kwesikhumba (“Clear Skin”), athuthukisa ukungena nokuphila kwesikhumba. Kukhona amaphilisi alawula izinga likashukela (“Blood Sugar”), asiza ekwehliseni ushukela egazini, kanye namaphilisi axhasa ukulwa nengcindezi nokukhathazeka (“Stress & Anxiety Support”). Kukhona futhi namaphilisi okwesekwa kwamasosha omzimba nsukuzonke (“Immune Daily Support”) kanye nezinye izinhlobo eziningi abahlose ngazo ukuphucula izimpilo zabantu.
Lawa maphilisi atholakala ezitolo ezikhethiwe, kuma-wholesale, nasezindaweni eziningi ezibanzi zamakhemisi ezweni lonke. Aphephile ukusetshenziswa, kanti futhi angathengwa yinoma ubani ngoba inani lakhona liphansi, futhi kulula ukuwasebenzisa nsuku zonke. I-Sela inouchungechunge lwemikhiqizo esekelwe ekuhlakanipheni kwezimfihlo zamakhambi esintu ase-Afrika adluliselwa ezizukulwaneni ngezizukulwane, ngenhloso yokuphucula impilo kanye nokukhulula izimpawu zezifo ezahlukahlukene.
Kulo mcimbi, bekukhona nezikhulumi ezaziwayo njengama-brand ambassadors ale mikhiqizo, kubalwa kubo uMroza Buthelezi noLunathi Mampofu, abebesekela ngamandla ukwethulwa kwalemikhiqizo.
Don’t miss what’s happening in your area. Subscribe for updates.
