0
0
UNgqongqoshe woMnyango wezokuBusa ngokubambisana neziNdaba zoMdaba KwaZulu-Natal (KZN) uMfu Thulasizwe Buthelezi uzibophezele ekuthumeleni abafundi bakuleli abangu 11 kwelaseMelika.
UButhelezi ubekhuluma kwingqungquthela ehlelwe iMangosuthu Univesrsity of Technology(MUT) ngokuhlanganyela ne-United State’s Florida Agriculture and Mechanical University (FAMU) yokudingida izindaba zemvelo eCoastland Hotel, eMusgrave ,NgoLwesibili mhlaka 2 July.
“Izwe lethu libhekene nezinkinga zokuswela amanzi, ukucishwa kukagesi nokuguquka kwesimo sezulu, kubalulekile ukuthi sibe nabantu abazoletha izixazululo kulezi zingqianamba,” kusho uButhelezi.
Wathi intsha iyona ephethe ikusasa lezwe, kusemqoka ukuba kube iyona ebamba iqhaza kulezi zinkinga.
UNgqongqoshe uButhelezi uthe uMnyango awuholayo ngokubambisana noNdunankulu waseKZN bazokwenza isiqiniseko sokuthi ngonyaka ozayo (2025) kuthunyelwa abafundi abangu-11 eFOMA ukuze bayoqhuba izifundo zakwangqondonkulu.
Laba bafunda bazohlungwa kwabenza umatric kulo nyaka, kulindekele ukuthi kube ngabafundi abavela kuzona zonke izifunda zaseKZN.
