1
0
UMnyango wezeMfundo KwaZulu-Natal(KZN) ugxeka isigameko sokuhlaselwa kukathisha esikoleni samabanga aphansi iMukelani KwaMashu,ngoLwesibili mhlaka 30 July.
Kulesi sigameko kuthiwa kwangena abasolwa ngaphakathi emagcekeni esikole, aphoqa uthisha ukube akhiphe imali yakhe kwibhange ayidlulise kubasolwa nezinye izimpahla.
UNgqongqoshe wezeMfundo eKZN uMnuz Sipho Hlomuka uveze ukuthi ukhathazekile ngokuphepha kwabafundi nothisha ezikoleni,ngoba kungezinye zezinto ezimqoka.
“Sizibophezela ukuseka abafundi,othisha nomphakathi waseMukelani ngalo lonke usizo abaludingayo. Sizoqhubeka nokuqapha lesi simo,sizokhipha umbiko uma kukhona ulwazi esilutholayo.siwuMnyango siyasikhuza lesi senzo sobugebengu esiphazamisa ukufunda nokufundisa,”kusho uHlomuka.
