0
0
Ubekwe ngokumsethethweni uMnuz Cyril Xaba esikhundleni sokuba iMeya yeTheku.
Lokhu kwenzeke namuhla emhlanganweni wamakhansela oMkhandlu weTheku eNkosi Albert Luthuli International Convention Centre eThekwini.
Igama likaXaba liphakanyiswe Iphini likaMeya weTheku uKhansela uZandile Myeni weNational Freedom Party (NFP).
UKhansela uZwakele Mncwango we-ActionSA uphakamise igama likaKhansela uThabani Mthethwa weDA, kodwa uMthethwa wasinqaba isiphakamiso ngemuva kwalokho alikho elinye igama eliphakanyisiwe ngaphandle kwelika Xaba.
“Ngizibophezele ekusebenzeleni uMasipala ngeqiniso, akukho okusha engiza nakho ngaphandle kokusebenza ngokuzikhandla.Sidinga ukubambisana ukuze iTheku likhule liyephambili ngizosebenzisana nawo wonke amalunga omphakathi, iMenenja yoMkhandlu, uSomlomo namakhansela wonke ukuze uMasipala wethu uzothuthuka,”kusho uXaba.
