0
0
Inkatha Freedom Party (IFP) inqobe amawadi ayisikhombisa kwayishuminambili abevotelwa okhethweni lokuchibiyela esifundazweni ikwaZulu-Natal (KZN).
Lokhu kuza ngemuva kokuthi isiyethulwe ngokusemthethweni imiphumela yalolu khetho obelusingethwe ikhomishini eyangemele ukhetho kuleli i-Independent Electoral Commission (IEC) izolo mhlaka 19 June.
Isiyonke imiphumela yalolu khetho ime kanje: kuMkhandlu uMzumbe
Inkatha Freedom Party (IFP) inqobe amawadi amathathu okukhona kuwo uwadi 9,uwadi 19 kanye nowadi 2.kwathi iqembu le-African National Congress (ANC) lathatha amawadi amabili okunguwadi 1 kanye nowadi 3.Ngakolunye uhlangothi uMkhonto weSizwe Party (MK) unqone uwadi 11.
KuMasipala waseMthonjaneni i-IFP ikhale yemuka nowadi 10.
Ngaphansi kuMkhandlu wakwaNongoma i-IFP inqobe uwadi 11.
KuMasipala wasoPhongolo i-IFP ithathe uwadi 15.
KuMasipala uMvoti Inkatha inqobe uwadi 10.
Ngaphansi koMkhandlu waseMzimkhulu kuwadi 1 kunqoba i-ANC kwathi kuMasipala waseNewcastle kuwadi 5 kwanqoba i-Democratic Alliance (DA).
