1
0
UNdunankulu waKwaZulu-Natal uMnu Thamsanqa Ntuli uphumela obala ngesifiso sakhe sokuthi iMilford FC neMaritzburg United oyedwa wabo anqobe isicoco seMotsepe Foundation Champion ngesizini ka-2024/25.
Lo mholi ukhuluma kanje ngesikhathi kunemidlalo yeKZN Premier’s Cup 2024,ePrince Mangosuthu Stadium Olundi, ngeSonto mhlaka 28 July.
“Ibhola liphethe amathuba ayikwezemidlalo kuphela kodwa nasesimeni somnotho. Ngiyacela kumaqembu ethu adlala esigabeni esiphansi iMilford neMaritzburg, ngicela nenze ngawo wonke amandla ukuthi ninyukela esigabeni esiphezulu (Betway Premiership)ukuze sizokwanda isibalo samaqembu aseKZN adlala esigabeni esiphezulu,”kusho uNtuli.
Eqhuba lo mholi uveze ukuthi bewuhulumei waseKZN bazoweseka wonke amaqembu ebhola akulesi sifundazwe, kuwo okukhona AmaZulu FC, Lamontville Golden Arrows, Richards Bay neRoyal AM.Wathi bewuhulumei bazokubeka eqhulwini ukuthuthukisa kwezinkundla zemidlalo ezisendaweni yasemakhaya.
