Iqembu i-Democratic Alliance (DA) libambe umhlangano womphakathi eShallcross, njengengxenye yomikhankaso walo wokhetho luka 2026 lohulumeni baseKhaya oluzayo.
Umhlangano ububanjelwe eShallcross Community Hall, lapho bekukhona khona ogaqele esobumeya i-DA ku mkhandlu WeTheku, uHanif Hoosen, kanye nowayengumholi we-DA, uJohn Steenhuisen.
Lo mhlangano ububhekiswe emkhankasweni we-DA kanye nezinhlelo zayo ngeTheku, iqembu lisebenzisa leli thuba ukuxhumana nezakhamuzi ngezinkinga ezithinta imiphakathi ehlukene ngaphakathi kukaMasipala weTheku.
Okunye okugcizelelwe yi-DA kube uhlelo lwamanzi lweTheku (eThekwini Water Plan), ukutholakala kwamanzi ngendlela kusalokhu kungumqansa kwizakhamuzi eziningi ngaphakathi kukaMasipala weTheku.
Usihlalo wesifundazwe uDean Macpherson utshele izakhamizi ukuthi i-DA ikholelwa ekutheni inethuba lokuwina amawadi asendaweni yaseChatsworth, futhi ekugcineni ithathe izintambo zokuphatha uMasipala weTheku.
“Amaqembu amaningi agijima njengezinkukhu ezinqunywe amakhanda kulolu khetho, nginethemba lokuthi e iChatsworth ingezinye zezindawo esizoziwina namanye amawadi amaningi.” kusho u Dean.
Lo mhlangano uphinde wanikeza izakhamuzi kanye nabaseka I-DA eShallcross nasezindaweni ezakhelene nayo ithuba lokulalela ngqo kubaholi beqembu kanye nalowo ogaqele esokuba nguMeya mayelana nombono we-DA ngekusasa leTheku.
Don’t miss what’s happening in your area. Subscribe for updates.
