2
0
UNgqongqoshe wezeMidlalo,ezamaCiko,namaSiko KwaZulu-Natal uDkt Ntuthuko Mahlaba wethule ngokusemthethweni uhlelo iSukasambe,eFarmer’s Hall,eNewcastle eNyakatho-Ntshonalanga yeTheku ngaphansi kukamasipala wesifunda Amajuba, NgoLwesibili womhlaka 12 September.
“ISukasambe uhlelo esihlose ukusiza imiphakathi yesifundazwe sakithi ngokwamawadi ukuze abantu bakithi bezokwazi ukuthuthukisa amakhono ezemidlalo,nobuciko kanye nokubakhuthaza ukuba beziqhenye ngamasiko abo”kusho uNgqongqoshe uDkt Ntuthuko Mahlaba.
Eqhuba uMahlaba uthe inhloso yalolu hlelo ukuhlanganisa umphakathi ukuze uzokwazi ukusebenzisana ndawonye ingakho nabo njengoMnyango behlanganise izinkakha okulindeleke ukuba zibe amanxusa eSukasambe,phakathi kwezinkakha ebeziyengxenye yalomcimbi wokwethulwa kweSukasambe uMlungisi “Professor” Ngubane, Derek Spencer, Siyabonga “Nsimbi” Sangweni. Teko “General” Modise, Manqoba “Shakes” Ngwenya kanye noNjabulo Manqana bonke abayizinkakha zebhola lezinyawo,kanti kumaciko bekukhona uMnu Zibokwakhe “Phuzekhemisi”Mnyandu, Thokozani “Tzozo” Zulu, Ntokozo ”Zakwe” Zakwe kanye noSphamandla “Duncan” Mbambo.
