0
0
Ugile izimanga uGerda Steyn ongumsubathi we-Phantane Athletics Club enqoba umjaho iComrades Marathon ekhuphukayo ngo- 5:49:46 kwabesifazane.
UGerda wephule umlando wakhe awuqopha ngonyaka ka-2019 lokunqoba lo mjaho ngo-5:58:52 nokuyilapho owaba ngowesifazane wokuqala ukunqoba lo mqhudelwano kwaphansi kwamahora angu-6.
“Ngijabule kakhulu, usuku lwami olukhulu lolu ngibusisekile, bekuyibusiso ukuba kwami lapha. Ngibonga bonke abangisekile , lokhu kusuka ekujuleni kwenhliziyo yami ukuthi ngidlulise ukubonga bonke abantu baseNingizimu Afrika ngokuma nami kuze kube sekugcineni, ” kusho uSteyn.
Eqhuba lo msubathi uveze ukuthi kumsebenzelile ukuhlala eqhingeni lakhe kwenze uhlelo lakhe lokugijima lwabayimpumelelo.
USteyn uyomela elakuleli kuma-Olympic Games ezweni laseFrance ngo-August kanti kubukeka sengathi lo mphumela wokunqoba iComrades Marathon okwesithath’umupha ukuzethemba.
