0
0
Umphathi weZinhlelo neZindaba emsakazweni woMphakathi iVibe FM, uMnuz. Ayanda Ntuli uthi uzomangaza abaningi maduzane nje, njengoba ezobonakala kumabonakude.Ayanda
UMnu Ntuli ongowokuzalwa eNkandla esigodini Inhlashana, uthe uthando lwezindaba lwaqala kudala kuyena, okwaholela ekutheni enze izifundo zeLanguage Practice and Media Studies esikhungweni semfundo ephakeme iML Sultan esesaziwa nge Durban University Of Technology manje.
“Kudala ngangizibona njengomethuli wezinhlelo zengxoxo (Talk Show) emsakazweni, kuthi kumabonakude ngizibona sengifunda izindaba. Ngangize ngilingise uMakhosini Nkosi indlela ayebika ngayo kanye noVuyo Mbuli. Uthando lomsakazo lona lwagqugquzelwa kakhulu abantu abafana no Bob Mabena no Nhlanhla Mthiyane ababe ngaphambi kwethu,” kuchaza uNtuli.
Uthi aze agcine enolwazi olwanele ngezemisakazo, wakhetha ukuhlala izithonto uNhlanhla Mthiyane. Uthi wayemuhlupha ngisho emsebenzini wakhe owagcine esemumema ukuzombonisa ukuthi kusetshenzwa kanjani kwi Newsroom nase studio, ngalesosikhathi wayesasebenzela iSABC.
“Uhambo lwami kwi-Radio lwaqala ngonyaka ka 2004, lana engathumela khona iDemo yami kwi-Durban Youth Radio (DYR). Ngenhlanhla bangithatha lapho ngangisenza unyaka wami wesibile enyuvesi. Ngangenza uhlelo lwezindaba zomphakathi (Current affairs) ngibambisene no Nkosinathi Mshengu nengagcina sengilishayala ngingedwa,” kusho uNtuli.
Uqhube wathi ngo 2010 wajoyina umsakazo iVibe FM kuze kuba manje. UNtuli uthi lomkhakha wezindaba uyawuthanda, ikakhulu kazi ezemisakazo nomabonakude njengoba ethembisa ukuthi maduze nje abantu basazobhema bakholwe elinye lamakhono akhe.
“Izinto engizithandayo ngomsebenzi wami, ukucobelela abantu bakithi ngolwazi nokubaxhumanisa nabantu abangabanika usizo lapho beludinga khona nokuthi ngibe umuntu obuyisa ithemba kubantu lapho benokudideka khona kungaba izinto ezenzeka ezweni labo okanye ezimpilweni zabo. Engingakuthandi ukuthi izinga lalomsebenzi selijivazeke kakhulu ngabantu abangena kuwona lomkhakha bengenalo ugqozi ngoba befuna udumo nokufeza izinhloso ezithile zabo kanti kuthina esangena ngaleziya zikhathi I profession lena, kumele ufundele lomsebenzi okungenani iJournalism, Communication Science noma Public relations,” kwenaba uNtuli
Uthi Izinto asezizuzile azikho ningi zona njengoba wonke umuntu azi ukuthi uma usebenza kwi Community Media akukho ukuhlonishwa okuvelayo ngoba ibukeka njengesigaba esiphansi ngaso sonke isikhathi ngisho izinhlaka zikaHulumeni akukho lapho zithi nje akezihloniphe abantu abanamagalelo emikhakheni engaphakathi kulomkhakha. Uthi lapho aze anikwa khona ithuba kuma SATMA ngo 2008 esasebenzela i DYR, uthi uyohlale embonga njalo uMnz Dumisani Goba ngaleya Category yama Community Radio.
UNtuli uphethe ngomyalezo wakhe kubantu nakubafundi beNkundla Yezindaba ukuthi abazazi ukuthi njengabahlali bakuleli ikusasa lalelizwe lisezandleni zabo abathande baphinde bavikele lezizwe ngokuphathwa kwalo nakwizigila mkhuba ezibulala lelizwe ngokwezomnotho nenhlalo Yomphakathi njengoba ikusasa limfiphi nje.
