I-South African Sugarcane Research Institute (SASRI) Ibenomcimbi wokugubha isikhumbuzo seminyaka eyikhulu yasungulwa, Lomncimbi ububanjelwe endaweni yase Mountedgecom ngolwesibili.Inhloso yomncimbi bekuwukukhombisa umlando ocebile wesikhungo ekucwaningeni nentshisekelo kwezobuchwepheshe nasekushintsheni izimpilo zabalimi nabawhwebi kwimboni ka shukela e Niningizimu Africa.
I-SASRI yasungulwa ngo-1925 njenge-SA Sugar Experiment Station ngenhloso yokulwa nezifo ezaziyibhangela yokukhiqizwa koMoba. Kamuva sebeyinhlangano ehamba phambili emhlabeni jikelele kwezokucwaninga ngoMoba ikakhulukazi ekuthuthukiseni izinhlobo zawo eziqina ezimeni zezulu ezahlukene. UNgqongqoshe wale nhlangano I SASRI uDkt. Shadrack Moephuli, uthe “Isayensi yethu ishintshile imboni. Asikhulisi ushukela noMoba kuphela, sikhulisa ikusasa.”
Umcimbi ukhombise nendlela i-SASRI ebheke ngayo ikusasa. Isebenza ezinhlelweni zokwakha amakha esimame njengamafutha ezindiza, amapulasitiki awohlokayo, namafutha e-biofuel, njengengxenye ye-Sugarcane Value Chain Master Plan ka-2030. Le mizamo ihlose ukuvulela umnotho waseNingizimu Afrika amathuba amasha ngaphandle kokuncika kushukela kuphela. Ubuchwepheshe buyinhliziyo yomsebenzi we-SASRI, kusetshenziswa ama-drone, ubuhlakani bokufakelwa (AI), kanye nezindlela zokulima ezihlakaniphile ukukhulisa isivuno samapulazi. Lokhu kushintshile indlela abalimi abasebenza ngayo futhi kusekela ezinkulungwaneni zemisebenzi.
Ukuthuthukiswa kwentsha nakho kuphambili. I-SASRI inikeza izifundo nokuqeqeshwa kwentsha kwezolimo zobuchwepheshe, phecelezi i-bioinformatics, kanye nocwaningo lwezakhi zofuzo. UKwanele Msele, umfundi we-UKZN, ukhombise umsebenzi wakhe wokucwaninga ngomoba emelana negciwane i-2PT, wathi “Ubuchwepheshe buyikhona ikusasa lezolimo.”
Don’t miss what’s happening in your area. Subscribe for updates.
