2
0
Injabulo kumaqembu ebhola, adlala esigabeni se-ABC Motsepe League kanye nenhlangano esingethe lesigaba iKwaZulu-Natal Football Association (KZNFA).Kulandela ukwethulwa ngokusemthethweni umqhudelwano womkhumalajezi ozodlalwa amathimu akulesigaba,lokhu kwenzeke NgoLwesibili womhlaka-5 March,eThe Royal Hotel eThekwini.
Lomqhudelwano obizwa nge-KZN ZLM Project Cup,ulethwe inkampani i-ZLM Engineering Rep ngokuxhasa i-KZNFA ngemali elinganiselwa ku-R 200 000 kanye nendebe.USihlalo we-KZNFA uMnu Kwenzakwakhe Ngwenya uveze ukuthi wenza isethembiso ngesizini edlule ukuthi uzothola umncintiswano ozogijinywa ngamaqembu adlala ku-ABC Motsepe League.
“Ngiyabonga kwabakwa-ZLM Engineering Rep ngokungenelela kwabo ebholeni lalapha esifundazwani.Lomqhudelwano uzokwazi ukusiza amaqembu ukuthi alungiselele ukuyogijima imidlalo yokuhlungela ukungena esigabeni seMotsepe Foundation Championship” kusho uNgwenya.
I-KZN ZLM Project Cup izogijinywa ngamathimu angu-20 ,ahlukaniswe ngamaqoqo angu-4.Lemidlalo izodlalwa amasonto amathathu kusukela NgoMgqibelo womhlaka-9 March,eThekwini.
Amaqembu aqathwe kanje kowe-KZN ZLM Project Cup:Group A ,Hellenic FC vs Chess FC, FC Drakensberg vs Muzi King Masters FC,Umvoti FC vs Hellenic FC,Chess FC vs Muzi King Masters FC kanye ne-FC Drakensburg vs Umvoti FC.
Group B,Asande FC vs Oyzn Academy FC,Msinga United FC vs Njampela FC,Swayimane United FC vs Asande FC,Oyzn Academy vs Njampela FC kanye noMsinga United FC vs Swayimane United FC.
Group C,Mkhambathini Fc vs Remax Address Friends FC,Midlands Wanderers FC vs Titanic FC,Ethekwni Coastal FC vs Mkhambathini FC,Remax Address Friends vs Titanic FC kanye ne-Midlands Wanderers vs Ethekwini Coastal FC.
Group D,Newcastle All Stars FC vs Mkhumbane Classic FC ,Stone Breakers FC vs Summerfield Dynamos FC ,Durban Pioneers FC vs Newcastle All Stars FC,Mkhumbane Classic FC vs Summerfield Dynamos FC kanye neStone Breakers FC vs Durban Pioneers FC.
