Amaphoyisa asesiteshini saKwaMashu akhiphe isitatimende acela usizo emphakathini ekutholeni nasekuhlonzeni laba bantu ababonakala ezithombeni ezinamathiselwe. Abaphenyi bakholelwa ukuthi laba bantu bangaba nolwazi olubalulekile olungasiza ophenyweni lwecala lokubulawa komuntu elenzeka endaweni yaseSiyanda, KwaMashu.
Ngokwemibiko, ngoLwesibili, mhlaka-21 Julayi 2026, u-Innocent Xolani Magwaza (42) kuthiwa wagwazwa wabulawa eceleni komgwaqo, eduze nalapho ayehlala khona. Kwavulwa icala lokubulala kanti uphenyo lusaqhubeka. Amaphoyisa acela noma ngubani ongakwazi ukubabona noma ukubakhomba laba bantu ababonakala ezithombeni, noma onolwazi mayelana nokuthi bakuphi, uyacelwa ukuba axhumane noSayitsheni Ngubane ku 079 5000 703 noma ashayele inombolo yamahhala ye Crime Stop ku-08600 10111. Amaphoyisa aqinisekisa ukuthi lonke ulwazi oluzotholwa luzogcinwa luyimfihlo ngokuphelele.
Don’t miss what’s happening in your area. Subscribe for updates.
