Ama-Playoffs eSifundazwe saKwaZulu Natal e Hollywoodbets kanyaka-2026 aphethwe ngempumelelo ePort Dunford Sportground, kwisifunda I King Cetshwayo District ngempelasonto
Lo mqhudelwano wezinsuku ezintathu uhlanganise abawinile beligi yesifunda abavela kwisifundazwe I KwaZulu-Natal, ugcizelela ukubaluleka kweHollywoodbets Men’s Regional League njengendlela yamaqembu afisa ukuncintisana emazingeni aphezulu ebhola laseNingizimu Afrika.
UNgqongqoshe uMntomuhle Khawula uhalalisele iDumehlezi Football Club evela eSifundeni saseMkhanyakude ngemuva kokuthola umqhele wokuba yi-2026 Provincial Champions ngokunqoba okunzima phezu kwe-MP Thwala All Stars evela kwisifunda ILembe kowamanqamu. Bobabili abafike kowamanqamu bathole ukukhushulelwa esikhundleni futhi bazoncintisana kwiKwaZulu-Natal ABC Motsepe League yesizini ezayo.
Njengoba ama-Playoffs kwsifundazwe eseqediwe, ukunakwa kuphendukela kwi-KZN Premier’s Cup elindelwe ngabomvu, ezokwenzeka ngomhlaka-25-26 ku Mandulo 2026 enkundleni yezemidlalo eSugar Ray Xulu Stadium nase Princess Magogo Stadium. Lo mqhudelwano uzohlanganisa amaqembu aphezulu ochwepheshe ba KwaZulu-Natal kulokho okuthembisa ukuphakamisa ikhethini okujabulisayo kwesizini yebhola ka-2026/2027.
Don’t miss what’s happening in your area. Subscribe for updates.
