Selidumela emansumpeni ngesakhiwo esizohlinzeka ngamanzi Umkhomazi water scheme esizophakela Isiphingo, Umbongotwini, Umgababa Kanye ne Craigeburn Lolu hlelo luzodonsa amanzi angahluziwe emfuleni i uMkhomazi ukuze luqinise ukunikezwa kwamanzi ezindaweni zase Ningizimu yetheku, ikakhulukazi iIsiphingo, u Mbogintwini, Umgababa neCraigieburn. Kulindeleke ukuthi lolu hlelo lumenyezelwe ngaphambi kokuphela konyaka.
Amalungu e-Presidential eThekwini Working Group (PeWG) ahambisana nethimba elivela eHhovisi likaMongameli, izikhungo zikahulumeni zikazwelonke nezasesifundazweni, kanye nabaholi be-eThekwini Municipality, bavakashele isikhungo esisakhandwayo. Ukuvakasha kuhlanganise ukuchazelwa ngobuchwepheshe, ukuhamba nesayithi kanye nokunikezwa isibuyekezo sokuthi umsebenzi uhamba kanjani.
UMeya Xaba uthe i-uMkhomazi Water Scheme iyiprojekthi yokuguqula isimo sokutholakala kwamanzi, esiza ukuqinisa umnotho nokuthuthukisa izinga lempilo. Uqhube wathi le phrojekthi izophinde ikhulise ukuzethemba kwabatshali-zimali futhi ivuse nezomnotho esifundeni.
“Siyabona intuthuko enkulu ku-Lower uMkhomazi Bulk Water Supply Scheme. Isonto eledlule kwafakwa umkhandlu/inkontileka ezoqala isigaba sesibili eWater Treatment Works. Lesi yisigaba sokugcina sohlelo olubiza R11 billion, oluhlanganisa idamu lokugcina amanzi, indawo yokudonsa amanzi, kanye nesikhungo sokuwacubungula. Uma sekuqediwe, sizokhiqiza 100 megalitres ngosuku, lapho 75 megalitres zizohanjiswa e-eThekwini Municipality. Lokhu kuzokwanela ukuhlinzeka zonke izindawo eziseningizimu, kusukela e-Isiphingo kuya e-uMkhomazi.” Kusho u Xaba.
Umeya uphethe wathi nakuba iphrojekthi ibambezeleka ngenxa yezinqubo zomthetho, uMngeni-uThukela Water uzibophezele ekuqinisekiseni ukuthi imiphakathi iqala ukuthola amanzi ekupheleni konyaka ozayo.
Don’t miss what’s happening in your area. Subscribe for updates.
