0
0
Abe- Comrades Marathon Association sebe memezele ngokusemthwethweni ukuvalwa kokungenela ukuba ingxenye yalomxayo wangonyaka ozayo. Lokhu kulandela ukufika enambeni engumqamula juqu engu 23 000, okwenzeke ngoMgqibelo mhlaka 30 kuLwezi 2024, okwenzeke sekusele izinsuku eziyisishiyagalolunye ngaphambi kokuthi kuvalwe ukungenela.
“Kuyasijabulisa kakhulu ukuthola izimpendulo eziningi kangaka kanye noqhozi olungaka oluvela kubona bonke abasubathi abazobe bemele izizwe ezingaphezu kuka 80 ezizibe zivela kuwona wonke amazwe. Umjayo wangonyaka ozayo uzobe wehlela njengoba uzobe usuka eMgungundlovu ulibangise eThekwini,” kusho Alain Dalais obambe njengeMenenja ka Race and Operations.
Kusukela mhlaka 30 KuLwezi sekuvaliwe ngokusemthethweni ukungenela kweComrades Marathon ka-2025. I-CMA idlulise ukubonga kwayo okusuka enhliziyweni kubo bonke ababambiqhaza abaqinisekise ukungenela kwabo futhi babonisa ukweseka kwabo umcimbi oyisakhiwo sodumo.
UDalais wengeze ngokuthi, “Ukuzinikela nothando lwenu ngeComrades Marathon kuyaqhubeka kusikhuthaza. Sibheke ngabomvu ukwamukela bonke abagijimi ababhalisiwe ohlwini abazohqudelana ngeSonto, mhla ziyisi-8 kuNhlangulana 2025, kulokho okuthembisa ukuthi kuzoba omunye umjaho ongasoze walibaleka noma unenselelo.”
Abasubathi abangakwazi ukungenela bayakhuthazwa ukuthi bahlale bexhumekile eziteshini zebo ezisemthethweni zeComrades Marathon ukuze bathole imininingwane yeComrades Substitution Process ezoqala ngoMashi no-April 2025.Umjaho uqala ehholo ledolobha laseMgungundlovu ngo-05h30 uphele ngemuva kwamahora angu-12 eThekwini’s People’s Park, osekuhambe ibanga elilinganiselwa ku-89km. Lokhu kuzoba yi-49th Down Run.
