Isifundazwe saKwaZulu-Natal singesinye sezifundazwe esenyukelwe yizinga makuqhathaniswa nezinye izifundazwe sizinzile ngokungasebenzi kwabantu ngekota yesithathu yonyaka ka-2026. Umbiko wakamuva wocwaningo lwezibalo zabasebenzi njalo ngekota yonyaka lukhombisa ukuthi izinga lokuntuleka kwemisebenzi KwaZulu-Natal lenyuke lisuka ku-32.5% ngekota yesibili laya ku-33.3% ngekota yesithathu yowezi-2026.
Umnotho wesifundazwe ubunabantu ababalelwa ezigidini ezingu-2.73 abaqashiwe, kanti isibalo sabantu abangasebenzi sifinyelele ezigidini ezingu-1.36.
Ngokombiko wekota yesithathu, isibalo sabantu abangasebenzi ku Mkhandlu weTheku sehle ngabangu-101 000, kanti abantu abasebenzayo sebefinyelele esigidini esingu-1.27. Imisebenzi esemkhakheni ohlelekile nayo inyuke ngamaphesenti angu-18.2.
UNdunankulu weisifundazwe I KwaZulu-Natal, uThamsanqa Ntuli wamukele lezizibalo zakamuva eziveza ukuthi I Theku lilwile nokungasebenzi kwabantu. Uthi lezi zibalo zikhombisa ukuthi ukubambisana kukahulumeni, amabhizinisi nabatshalizimali kungavula amathuba emisebenzi nokukhulisa umnotho.
“Uhulumeni uzoqhubeka nokugqugquzela ezolimo, ezokuvakasha namabhizinisi asemalokishini ukuze amathuba omnotho afinyelele nakubantu basemakhaya.Wonke umsebenzi osungulwayo usho umndeni othola ukwesekwa, ikhaya eliphinde libe nethemba kanye nomuntu onikezwa ithuba lokuba negalelo elibonakalayo emnothweni wethu.
Ngakho-ke, kumele siqhubeke nokusebenzisana ukuqinisekisa ukuthi intuthuko enhle ebonakalayo kuMasipala weTheku iba yingxenye yokuvuseleleka kwamathuba emisebenzi kuso sonke isifundazwe saKwaZulu-Natal.” Kusho u Ntuli.
U Ntuli uveze ukuthi isifundazwe sesithole izithembiso zokutshalwa kwezimali ezilinganiselwa ku-R124.5 billion, kanti uhulumeni uhlose ukudala amathuba emisebenzi ayizigidi ngaphambi kuka-2029.
U Sodolobha weTheku, uMusa Mbhele, uthi nakuba le ntuthuko iyisikhuthazo, umasipala usazibophezele ekuqiniseni izinhlelo ezizoletha ukukhula komnotho okuqhubekayo esikhathini esizayo.
“Lezi zibalo zikhombisa ukwanda kwabantu abazibandakanya emisebenzini ekhiqizayo uma kuqhathaniswa nonyaka odlule, okuyizindaba ezinhle emindenini ehlala ngaphansi komasipala”. Kusho u Mbhele.
Don’t miss what’s happening in your area. Subscribe for updates.
