Umphakathi waseBhambayi e Inanda uhlanganyele emcimbini wokukhuthaza ubumbano ngaphansi kwesiqubulo esithi “One Community, One Voice”, lapho izikhulumi ezivela ezinhlanganweni ezahlukene zigcizelele ukubaluleka kokubambisana nokuhlalisana ngokuthula emphakathini.
Lo mcimbi uhehe izakhamuzi eziningi ebezizimisele ukwakha umphakathi onothando, ukuhloniphana nokubekezelelana. Owenhlangano engenzi nzunzu Gandhi Foundation, ugcizelele ukuthi kube nokuthula kusukela ezinhliziyweni zabantu. Uthe umphakathi kufanele ufunde ukuxazulula izingxabano ngendlela enokuthula, kulandelwe izimfundiso zobuholi obungaholeli ebudloveni.
UNksz Maroon Jevan, omele inhlangano egquqguzela ububano emphakathi I Gandi Foundation, ukhuthaze izakhamuzi ukuthi zisebenzise izindlela ezinhle njengendlela yokwehlisa ingcindezi nokwakha ubunye. Uveze ukuthi uma abantu bezothile ngaphakathi, kuba lula ukuthi babonise uthando nokubambisana kwabanye.
Omunye wezikhulumi, uMasithole Ngcobo ongumhlali waseBhambatha, uthi lo mcimbi uvule amehlo umphakathi ngokubaluleka kokuma ndawonye. “Sifunde ukuthi noma sihlukene ngemibono, singaba yizwi elilodwa uma sibheka ikusasa lomphakathi wethu akungabibikho ozocwasa ngokobuhlanga asibe ngumphakathi owodwa onakekelayo.” Kusho Masithole Ngcobo
Abahleli bomcimbi bathi inhloso enkulu ukuqinisa ubumbano, ukulwa nokuhlukumezana, kanye nokwakha ubudlelwane obuqinile phakathi kwabantu. Baphinde bagcizelela ukuthi imicimbi efana nale izoqhubeka ukuze kuqinisekiswe ukuthi umphakathi uyakhula futhi uyabambisana.
Lo mcimbi ushiye izakhamuzi zinethemba lokuthi ubumbano luzoqhubeka nokukhula eBhambayi, njengoba wonke umuntu ezimisele ukuba yingxenye yokwakha umphakathi ongcono.
Don’t miss what’s happening in your area. Subscribe for updates.
